Bas prokýratýra bızneske qatysty zańsyz tekserýlerdiń jolyn kesken

NUR-SULTAN. QazAqparat – Bas prokýratýra bıylǵy jartyjyldyqta bıznes sýbektileriniń quqyǵyn qorǵaý boıynsha atqarylǵan jumystardyń nátıjelerin jarııalady, dep habarlaıdy QazAqparat tilshisi.

«Jyl basynan beri bıznesti qorǵaý baǵytynda aýqymdy jumystar júrgizildi. Máselen, kásipkerlik salasyndaǵy quqyq buzýshylyqtar boıynsha 845 qadaǵalaý aktisi toltyryldy. Jalpy sommasy 212 mln teńgeden asatyn 5,5 myń ákimshilik óndirip alý faktisi toqtatyldy. 6,2 myńnan astam zańsyz tekserýlerdiń joly kesilip, 650-den astam adam jaýapkershilikke tartyldy», - dep málim etti Bas prokýratýranyń baspasóz qyzmetinen.

Sonymen qatar, Bas prokýratýra qańtar oqıǵasynda túrli tártipsizdikter jasaǵan 700-den astam azamattyń sottalǵanyn habarlady.