Bas prokýratýra Aıdos Sadyqovty óltirmek bolǵandardy tabý úshin tergeý bastady

<p>ASTANA. KAZINFORM — Qazaqstannyń Bas prokýratýrasy Kıevte qastandyqqa tap bolǵan qazaqstandyq jýrnalıst Aıdos Sadyqov isiniń mán-jaıyn aıtyp berdi. </p>

Búgin Memleket basshysynyń tapsyrmasymen 18 maýsym kúni Kıevte Aıdos Sadyqovtyń ómirine qastandyq jasaý faktisi boıynsha QR Bas prokýratýrasy sotqa deıingi tergeý bastaǵan. 

«Qylmystyq is boıynsha tergeý-jedel toby quryldy. Ol qylmysty ashýǵa jáne kúdiktilerdi ustaýǵa baǵyttalǵan qajetti jedel izdestirý sharalaryn júrgizedi» deıdi vedomstvodan. 

Aıta keteıik, keshe Qazaqstannyń Bas prokýrory Ýkraına Bas prokýrorynyń atyna osy qylmysty ashýǵa barynsha tájirıbeli qazaqstandyq tergeýshilerdi tarta otyryp, búkil kómek kórsetý jóninde usynys jasaǵan bolatyn.

Bas prokýratýra qylmystyq isti tergeý barysyn erekshe baqylaýǵa aldy. 

Eske sala keteıik, 18 maýsymda Kıevte turatyn jýrnalıst Aıdos Sadyqovty úıiniń janynda áldebireýler atyp ketti. Ol qazir aýrýhanada jatyr.

Ýkraına prokýratýrasy eki kúdiktiniń sol kúni-aq shekarany kesip ótip, elden ketip qalǵanyn habarlady.

Buǵan deıin Prezıdent Qasym-Jomart Toqaev Kıevte jasalǵan qastandyq jaıynda pikir bildirgen edi.

Prezıdent keńesshisi Berik Ýálıdiń aıtýynsha, Qazaqstandy aıyptaý keıbir kúshterge tıimdi.

Búgin Іshki ister mınıstrligi Aıdos Sadyqovty atty degen kúdiktiniń Qazaqstan polıtsııasynda jumys istemeıtinin habarlady.

Memleket basshysy qastandyqty tergeý amaldaryn jiti baqylap otyr.