Bas prokýratýra arandatýshylyqqa boı aldyrmaýǵa, jalǵan habarlarǵa senbeýge shaqyrdy

NUR-SÚLTAN. QazAqparat – Bas prokýratýra azamattardy zańnamany múltiksiz saqtaýǵa, arandatýshylyqqa boı aldyrmaýǵa, jalǵan habarlamalarǵa den qoımaýǵa jáne resmı aqparat kózderine ǵana senýge shaqyrdy, dep habarlaıdy QazAqparat vedomstvonyń saıtyna silteme jasap.

«Sońǵy kezderi BAQ pen áleýmettik jelilerde arandatýshylyq jáne jalǵan materıaldardy taratý jaǵdaılary jıilep ketti. Mundaı aqparattyq habarlar vaktsınalaý men bosqyndardyń kelýinen bastap, til máselesine deıingi ártúrli taqyryptardy qamtıdy. Jalǵan jarııalanymdar bolyp jatqan oqıǵalardy burmalaıdy, halyqty jańylystyrady.

Mysaly, jekelegen adamdar dárigerler men ǵalymdardyń quzyretti pikirlerin elemeı, COVID-19 vaktsınalarynyń qaýiptiligi men tıimsizdigi týraly negizsiz jarııalaıdy.

Keıbireýler Konstıtýtsııada kepildik berilgen azamattardyń quqyqtary men bostandyqtaryna – shyǵý tegine, ultyna jáne tiline baılanysty kemsitýshilikke jol berilmeıtinine ashyq túrde qol suǵady.

Sonymen qatar atalǵan quqyqtar men bostandyqtardy buzý jáne shekteý, kórineý jalǵan aqparat taratý Qylmystyq kodekstiń 145, 174, 274-baptary boıynsha qylmystyq jaýaptylyqqa ákep soǵady», delingen habarlamada.

Bas prokýratýra azamattardy zańnamany múltiksiz saqtaýǵa, arandatýshylyqqa boı aldyrmaýǵa, jalǵan habarlamalarǵa den qoımaýǵa jáne resmı aqparat kózderine ǵana senýge shaqyrady.