Bas prokýratýra áleýmettik jelilerde ultarazdyǵyn qozdyrý faktilerin anyqtady

NUR-SULTAN. QazAqparat - Áleýmettik jelilerde ultaralyq arazdyqty qozdyrý belgileri bar aqparattardy taratý faktileri bar. Bul týraly QazAqparat Bas prokýratýraǵa silteme jasap habarlaıdy.

Vedomstvonyń habarlaýynsha, avtorlar jazbalarynda azamattardyń nemese jalpy etnostyń (ulttyń, halyqtyń) ulttyq ashýyn ádeıi qozdyrady, ultqa nemese etnıkalyq topqa til tıgizedi.

Basqa ulttyń nemese áleýmettik toptyń ókilderine, onyń ishinde olardyń tilge degen kózqarasyna tıisip, fızıkalyq zorlyq-zombylyqqa tikeleı shaqyrady.

«Bul materıaldardyń avtorlarynyń kim ekeni ádettegideı, quqyq qorǵaý organdarynyń kómegimen anyqtalyp, jaýapqa tartylady. Olar raıynan qaıtyp, kópshilik aldynda keshirim suraıdy. Alaıda bulaı jasaý olardy eshqandaı da jaýapkershilikten bosatpaıdy.Olardyń BAQ nemese áleýmettik jelilerdi paıdalanyp, aıtqan sózderi men málimdelemeleri Konstıtýtsııada tyıym salynanǵan jáne Qylmystyq kodekstiń 174-baby boıynsha 2 jyldan 7 jylǵa deıin bas bostandyǵynan aıyrý kózdelgen. Al eger keltirgen zalaldyń saldary aýyr bolsa, 12 jyldan 20 jylǵa deıin bas bostandyǵynan aıyrý qarastyrylǵan. Bul quqyq buzýshylyq ekstremıstik qylmys sanatyna jatady (QK-tiń 3-baby)»,- delingen habarlamada.

Jalpy, 2019 jyldan qazirgi kezge deıin sottar ultaralyq arazdyqty qozdyrǵan 21 tulǵaǵa qatysty úkim shyǵarǵan.

Bas prokýratýra azamattardy jáne BAQ ókilderin ańdamaı ultarazdyǵyn qozdyratyn málimdemelerden aýlaq bolýǵa jáne mundaı materıaldardy taratpaýǵa shaqyrdy.

Bas prokýratýranyń baspasóz qyzmeti