Bas prokýratýra Áblıazovty Le Figaro arqyly jaýap alýǵa shaqyrtty

ASTANA. QazAqparat - QR Bas prokýratýrasy Le Figaro frantsýz gazeti arqyly Muhtar Áblıazovty jaýap alýǵa shaqyrtty, dep habarlaıdy QazAqparat tilshisi vedomstvonyń baspasóz qyzmetine silteme jasap.

«Qylmystyq-protsesýaldyq kodekstiń 205-baby 3-bóligine sáıkes, kúdikti Qazaqstan Respýblıkasynan tys elde júrgendikten jáne sotqa deıingi tergeý organyna kelýden jaltarǵandyqtan jaýap alý úshin kúdiktiniń júrgen jeriniń buqaralyq aqparat quraldary arqyly oǵan arnaıy shaqyrtý jarııalanady. 3 tamyzda Le Figaro frantsýz gazetinde Áblıazov myrzaǵa 2018 jylǵy 16 tamyzda saǵat 15:00-de Qazaqstan Respýblıkasynyń Bas prokýratýrasyna túsinik berý úshin kelý qajet ekeni týraly habarlama jarııalandy», delingen habarlamada.

Buǵan deıin, 31 tamyzda QR Bas prokýratýrasy «BankTuranÁlem» AQ-nyń burynǵy basqarma basshysy Erjan Tátishevti qasaqana óltirý deregi boıynsha tergeý amaldaryna qatysý úshin Muhtar Áblıazovke resmı saıtta shaqyrtý jarııalaǵan edi.