Aqsýda bala zorlap, ony óltirgeni úshin halyqaralyq izdeýde júrgen kúdikti Reseıden ekstradıtsııalandy

<p>ALMATY. KAZINFORM &mdash; Kámeletke tolmaǵan balany aldyn ala sóz baılasý arqyly zorlaǵany jáne ony óltirýdi uıymdastyrǵany úshin qylmystyq jaýaptylyqqa tartý maqsatynda Reseı Federatsııasynan Qazaqstan azamaty ekstradıtsııalandy. Bul týraly QR Bas prokýratýrasy málimdedi.</p>

«Kúdikti 2008 jyly Pavlodar oblysy Aqsý qalasyndaǵy páterlerdiń birinde kámeletke tolmaǵan balany zorlaǵan. Aıyptalýshy jazadan qorqyp, tanystarymen bir top adam bolyp áreket etip, kámeletke tolmaǵan balany kúshtep kólikke otyrǵyzyp, aýyldyq aımaqqa alyp ketken. Jol boıynda sybaılastardyń biri buryn adam óltirgeni úshin sottalǵan tulǵa bola tura, jábirlenýshiniń moınyn ustap, ony tunshyqtyryp óltirgen», — delingen habarlamada.

Qylmysyn jasyrý úshin qaskúnemder kámeletke tolmaǵan balanyń denesin dalaǵa kómgen.

Málim bolǵandaı, kámeletke tolmaǵan balany zorlap, ony óltirip, jazadan jaltaryp úlgergen ol 15 jyl boıy halyqaralyq izdeýde boldy. Janynda birge bolǵan kisi ólimine qatysy bar tulǵalar da jazasyn alǵan.  

«Ótken jylǵy qyrkúıekte ol Reseı Federatsııasynyń Krasnodar ólkesinde ustalyp, keıin Qazaqstan Respýblıkasy Bas prokýratýrasynyń suraýy boıynsha Qazaqstanǵa ekstradıtsııalanǵan», — dep habarlady prokýratýradan.

Qazirgi ýaqytta Petropavl qalasynyń tergeý ızolıatoryna qamaldy.

Oǵan on jyldan jıyrma jylǵa deıingi merzimge bas bostandyǵynan aıyrý nemese ómir boıyna bas bostandyǵynan aıyrý túrindegi jaza qarastyrylǵan.