Bas múftı Ramazan aıy ne sebepti 17 mamyrda bastalatynyn túsindirdi
Bas múftıdiń aıtýynsha, 16 mamyrda keshke nıet etilip, taraýyq namazdary oqylady. Al Ramazan aıy 17 mamyrda bastalady.
«Ramazan aıynyń bastalýyn naqty aıta alý úshin birinshi - sharıǵattyń talaby, ekinshi - ilim kerek. Bul kún qazirgi zamanaýı astrofızıkalyq jáne basqa da astronomııalyq ǵylymı negizderge súıene otyryp bekitiledi. Osy negizde biz 2018 jylǵy Ramazan aıynyń alǵashqy kúni 17 mamyr bolyp bekitilgenin jarııalaǵan bolatynbyz. Óıtkeni Paıǵambarymyzdyń hadısinde «Jańa týǵan aıdy kórgen kezde oraza ustańdar, ekinshi jańa týǵan aıdy kórgen kezde orazalaryńdy toqtatyńdar. Eger aspan bultty bolsa, Shaǵban aıyn otyzǵa toltyryńdar» dep aıtylady. Bul - sharıǵattyń talaby», - dedi Qazaqstan musylmandary dinı basqarmasynyń tóraǵasy, Bas múftı Serikbaı qajy Oraz.
Sondaı-aq, dinbasy bıylǵy pitir sadaqa mólsherine de toqtaldy.
Ǵulamalar keńesiniń sheshimimen, Ramazan aıynda beriletin pitir sadaqanyń mólsheri 300 teńge kóleminde bekitildi.
14 maýsym Ramazan aıynyń sońǵy kúni bolady, al maýsymnyń 11-nen 12 sine qaraǵan tún - Qadir túni.
Araılym Joldasbaeva