Bas múftı órtten zardap shekken Qostanaı oblysynyń turǵyndarymen kezdesti

NUR-SULTAN. QazAqparat - Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Qostanaı oblysyna barǵan saparynda Áýlıekól aýdanynda bolyp, órtten zardap shekken azamattarmen kezdesti.

Bul týraly QazAqparat Qazaqstan musylmandary dinı basqarmasynyń baspasóz qyzmetine silteme jasap habarlaıdy.

Áýlıekól aýylyndaǵy mektepke kóshirilgen jandarmen júzdesken Naýryzbaı qajy Taǵanuly: «Alla Taǵala bul synaqty sabyrmen jeńip shyǵýǵa, órtti tez arada aýyzdyqtaýǵa kúsh-qýat násip etsin. Biz sizderge óz múmkindigimizdiń aıasynda rýhanı ári materıaldyq turǵydan kómek kórsetýge daıynbyz. Sol úshin arnaıy aldaryńyzǵa kelip otyrmyz. Jaratýshy Jabbar Iemiz elimiz ben jerimizdi túrli synaqtan, tosynnan keletin tabıǵı apattardan saqtaǵaı» dedi.