Bas múftı Qazaqstan halqy Assambleıasynyń keńeıtilgen otyrysyna qatysty

ASTANA. QazAqparat - Búgin Astanada Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyuly Qazaqstan halqy Assambleıasy keńesiniń keńeıtilgen otyrysyna qatysty, dep habarlaıdy diniı basqarmanyń baspasóz qyzmeti.

Keńes jumysyna Qazaqstan Respýblıkasynyń Memlekettik hatshy G.Ábdiqalyqova, «Qoǵamdyq kelisim» RMM dırektory N. Kalashnıkova, Qazaqstan halqy Assambleıasy Tóraǵasynyń orynbasary E. Toǵjanov t.b. qatysty.

Jıyn barysynda Qazaqstan halqy Assambleıasynyń «Úlken el - úlken otbasy» jalpy ulttyq jobasyn iske asyrý, Qazaqstan halqy Assambleıasynyń parlamenttik júıedegi ókildigi: nátıjeleri men tájirıbesi, Qazaqstan halqy Assambleıasy saılaıtyn depýtattyqqa kandıdattardy usyný máseleleri talqylandy.

Elimizdegi birlikti saqtaýda Qazaqstan halqy Assambleıasy mańyzdy ról atqaryp otyr. Bul rette Assambleıanyń mindeti ultaralyq qatynastardy úılesimdi etý bolsa, onyń ózi memlekettiń turaqtylyǵyn nyǵaıtý degendi bildiredi. Sol úshin Qazaqstan halqy Assambleıasynyń tıimdiligin álem moıyndap keledi.