Bas memlekettik sanıtarlyq dáriger Túrkistanǵa jumys saparymen bardy

TÚRKІSTAN. QazAqparat - Túrkistanǵa jumys sapary barysynda Bas memlekettik sanıtarlyq dáriger - Densaýlyq saqtaý vıtse-mınıstri Erlan Qııasov óńirdegi epıdemıologııalyq jaǵdaımen tanysty, dep habarlaıdy QazAqparat DSM silteme jasap.

QR Densaýlyq saqtaý Vıtse-mınıstri mınıstrlermen kezdesý barysynda Túrkistan oblysy epıdemıologııalyq baǵalaý matrıtsasy boıynsha uzaq ýaqyt «jasyl» aımaqta turǵan respýblıkadaǵy jalǵyz óńir bolyp tabylatynyn atap ótti.

Sonymen qatar vıtse-mınıstr oblystyń bas memlekettik sanıtarlyq dárigeri Nurbek Nyshanovpen birge qalalyq jáne aýdandyq sanıtarlyq-epıdemıologııalyq baqylaý basqarmalaryna baryp, júrgizilip jatqan jumystardyń barysymen tanysty.
QR Densaýlyq saqtaý vıtse-mınıstri QR DSM SEBK Ulttyq saraptama ortalyǵynyń Túrkistan qalalyq bólimshesinde boldy. Munda ol bakterıologııalyq jáne sanıtarlyq-gıgıenalyq zerthanalardyń bólmelerin tekserdi.

Saraptamalyq bólimshe 2020 jyly QR Densaýlyq saqtaý mınıstrliginiń qoldaýymen jyljymaly zerthanalyq keshenge qol jetkizdi. Jańa tehnologııalarmen jabdyqtalǵan keshen Reseı Federatsııasynda da bar. Qazirgi ýaqytta keshende PTR synamalaryn zertteý qyzmeti jumys isteıdi.

Túrkistanda 12 jastan asqan jasóspirimder men júkti jáne bala emizetin áıelder arasynda COVID-19-ǵa qarsy «Pfizer» preparatymen vaktsınatsııa jalǵasýda.
Mekemelerde aldyn alý jumystaryn júrgizý úshin barlyq jaǵdaı jasalǵan. Medıtsınalyq mamandar arnaıy oqýdan ótti.
«Pfizer» vaktsınatsııasy erikti túrde júrgiziledi, onyń ishinde ata-anasynyń nemese zańdy ókiliniń kelisimimen ǵana egiletin jasóspirimder de bar.

Qazirgi ýaqytta aımaq boıynsha «Pfizer» preparatyn qabyldaǵandardyń sany – 14097 adam. Onyń 11162 - i jasóspirim, 1921 - i júkti jáne 1014-i bala emizetin áıelder. Vaktsınatsııadan keıin patsıentter dárigerlerdiń baqylaýynda bolady.
Aıta keteıik, Túrkistan oblysyna 46800 dana «Pfizer» preparatynyń jańa partııasy jetkizildi.