Bas kólik prokýratýrasy Bek Air ushaǵynyń apatty jaǵdaıda qonýyna qatysty túsinikteme jasady

ASTANA. QazAqparat - «Bek Eır» (Bek Air) AQ avıakompanııasynyń áýe kemesiniń Astanada apatty jaǵdaıda qonýyna, aldyn ala málimet boıynsha, shassıdegi aqaýlyq sebep boldy, dep habarlady Qazaqstan Respýblıkasy Bas kólik prokýratýrasynyń baspasóz qyzmetinen.

Saǵat 10:36 Astana áýejaıyna Bek Eır» (Bek Air) AQ avıakompanııasynyń «Foker-100» markaly ushaǵy apattyq jaǵdaıda qondy. «Qyzylorda-Astana» baǵytynda №2041 reıs jasaǵan áýe kemesiniń bortynda 121 adam boldy, onyń ishinde 116 jolaýshy jáne 5 ekıpaj múshesi. Japa shekkender joq.

Atalǵan fakt sot aldyndaǵy tergeý amaldarynyń biryńǵaı reestrine QR QK 344 babynyń 1 bólimine sáıkes tirkeldi.

Qylmystyq is Bas kólik prokýratýrasynyń arnaıy prokýrorlarynyń óndirisine alyndy, sotqa deıingi tergeý amaldary júrgizilip jatyr.