Bas kólik polıtseıi «Aıbyn» ordenimen marapattaldy

NUR-SULTAN. QazAqparat - Táýelsizdik kúni qarsańynda Prezıdent Jarlyǵymen áskerı qyzmetshiler men quqyq qorǵaý organdary ókilderi І jáne ІІ dárejeli «Dańq», sondaı-aq, І, ІІ, ІІІ dárejeli «Aıbyn» ordenderimen, «Erligi úshin» jáne «Jaýyngerlik erligi úshin» medaldarymen marapattaldy. Onyń arasynda kóliktegi polıtsııa departamentiniń bastyǵy, polıtsııa polkovnıgi Ońal Bekeev te bar. Polıtsııa polkovnıgi II dárejeli «Aıbyn» ordenimen marapattaldy, dep habarlaıdy QazAqparat kóliktegi polıtsııa departamentine silteme jasap.

Ońal Botaıuly Bekeev ishki ister organdaryndaǵy qyzmetin 1998 jyly QR ІІM qarasty MKQD úkimettik mekemelerdi jáne dıplomatııalyq ókildikterdi kúzetý jónindegi mılıtsııa polkiniń ınspektory laýazymynan bastaǵan.

1999-2015 jyldar aralyǵynda ishki ister organdarynda ártúrli orta jáne aǵa basshylyq quram laýazymdarynda qyzmet atqardy.

2018 jyly Almaty oblysynyń PD bastyǵynyń orynbasary boldy, al 2019 jyldyń qazan aıynan beri – kóliktegi polıtsııa departamentiniń bastyǵy laýazymyn atqaryp keledi.

Búgingi kúni Ońal Bekeev basshylyq etetin kóliktegi PD elimizdiń áýe jáne temir jol nysandaryndaǵy qoǵamdyq tártip pen qaýipsizdikti qamtamasyz etedi.

Atalǵan nysandar - halyq kóp shoǵyrlanatyn oryndar. Sondyqtan kólik polıtseıleriniń qyzmeti qashan da zor mańyzǵa ıe.

«Osyndaı jaýapkershiligi joǵary qyzmettiń basy-qasynda júrgen tájirıbeli basshy, polıtsııa polkovnıgi O. Bekeevti «Aıbyn» ordeni marapatymen quttyqtap, aldaǵy ýaqytta da qyzmetine abyroı men sáttilik tileımiz!» deıdi departament ujymy