Bas qalada «El júregi - Nur-Sultan daýys beredi» aktsııasy bastaldy

NUR-SULTAN. QazAqparat - Búgin Nur-Sultanda turǵyndardyń saılaýdaǵy belsendiligin arttyrýǵa baǵyttalǵan «El júregi - Nur-Sultan daýys beredi» atty qalalyq aqparattyq-áleýmettik aktsııa bastaldy, dep habarlaıdy elorda ákimdiginiń resmı saıty.

Uıymdastyrýshylardyń málimetine súıensek, qoǵamdyq naýqan Facebook jáne Instagram áleýmettik jelisinde ótkiziledi. Munda turǵyndardyń QR Prezıdentiniń kezekten tys saılaýynda belsendi daýys berýge shaqyratyn materıaldardy jarııalaýǵa arnalǵan arnaıy taqyryptyq «Elorda Live» paraqshalary ashyldy.

Máselen, Facebook paraqshasynda qalanyń ár turǵynynyń 2019 jyldyń 9 maýsymda ótetin Prezıdent saılaýyn qoldaý maqsatynda qyzyqty oqıǵalardy, jarııalanymdy nemese beınerolıkti #MenBolashaqtytańdaımyn jáne #Senińdaýysyńmańyzdy, #Saılaý2019 heshtegimen belgilep, osy jerde jarııalaı alatyndyǵy atalyp kórsetilgen. Budan bólek, aktsııa aıasynda, adamdar kóp keletin qoǵamdyq oryndarda jastardyń qatysýymen buqaralyq sharalar uıymdastyrylyp, ár aýdandaǵy saılaý ýchaskeleri men daýys berý oryndary týraly tolyqqandy aqparat beretin promo-taqtalar ornalastyrylatyn bolady.

Eske salaıyq, QR Prezıdentiniń Jarlyǵymen QR Prezıdentin saılaý 2019 jyldyń 9 maýsymyna belgilengen bolatyn.