Bas áskerı prokýratýra Dáýlet Turlyhanovtyń ulynyń isine qatysty túsinik berdi

ASTANA. QazAqparat - Bas áskerı prokýrordyń birinshi orynbasary Maqsat Qazıev depýtat Dáýlet Turlyhanovtyń ulynyń buzaqylyq áreketine qatysty isti tergeý aıaqtalǵanyn aıtty, dep habarlaıdy QazAqparat tilshisi.

«Іs boıynsha tergeý amaldaryn áskerı prokýratýra qadaǵalady. Qylmystyq is aıaqtaldy. Qazir ol sottyń qaraýynda. Ol merzimdi áskerı qyzmette júrgen sarbaz. Ol atalǵan qylmysty jasaǵan kezde demalysta bolǵan», - dedi M. Qazıev Senatta tilshiler suraǵyna jaýap bere otyryp.

Sonymen qatar tilshiler onyń kinási dáleldense, qandaı sheshim shyǵýy múmkin ekenin surady.

«Naqty úkimdi sot shyǵarady, ıaǵnı tıisti sheshim jarııalanady», - dedi Bas áskerı prokýrordyń birinshi orynbasary.

Eske salsaq, Almatyda zańger Anna Dmıtrıevıch pen onyń kúıeýi Oleg Chernov soqqyǵa jyǵylǵan edi. Almaty qalalyq Polıtsııa departamenti atalǵan derek QR QK-niń 293-baby «Buzaqylyq» boıynsha sotqa deıingi tergeýdiń biryńǵaı tizilimine tirkelgenin habarlady.

Keıin sport qaıratkeri Dáýlet Turlyhanov balasynyń buzaqylyq áreketine baılanysty pikir bildirdi.