Bas áskerı prokýratýra áskerıler arasyndaǵy sýıtsıd máselesine qatysty túsinik berdi
«2020 jyldan bastap 270 áskerı qyzmetshi qaıtys boldy: 2020 jyly – 78 áskerı qyzmetshi, 2021 jyly – 96, 2022 jyly – 85, 2023 jyly – 11. Ólim jaǵdaılarynyń eń kóp taraǵan sebepterine toqtalsaq, aýyryp qaıtys bolý – 36%, kólik apatynyń saldary – 24%, sýıtsıd – 20%. Alaıda óz-ózine qol salý jaǵdaıy bárimizdi alańdatyp otyr. Sýıtsıd profılaktıkasyn taldaý nátıjesi áskerimizdiń qoǵamnyń bir bóligi retinde jaǵymsyz jaǵdaıǵa táýekeli baryn kórsetti», - dedi M. Qazıev Senatta áskerı qyzmetshilerdiń densaýlyǵyna qatysty máseleni talqalaý kezinde.
Onyń aıtýynsha, túrli málimetterge sáıkes, halyq arasyndaǵy sýıtsıd deńgeıi boıynsha Qazaqstan álem elderi arasynda 20-orynda, al jasóspirimder arasynda úshtikke kiredi.
«Quqyqtyq statıstıka komıtetiniń málimetinshe, 2018-2022 jyldary elde 17 631 sýıtsıd jáne 21 332 ózine qol salýǵa oqtalý jaǵdaıy tirkelgen, ıaǵnı 10 000 azamatqa shaqqanda 9 sýıtsıd jáne 11 óz-ózine qol salýǵa talpyný áreketi tirkelip otyr. Olardyń arasynda 86 sýıtsıd jáne ózine qol salýǵa oqtalýdyń 20 deregi áskerde bolǵan. ıAǵnı 10 myń áskerı qyzmetshige shaqqanda 6 sýıtsıd jáne 1 óz-ózine qol salýǵa oqtalý áreketinen keledi. Demek, qoǵamdaǵy óz-ózine qol salý kóbinese áskerde bolady degen pikir resmı málimettermen rastalmaı otyr. Bul rette densaýlyqty qorǵaý men profılaktıkasy boıynsha ýákiletti organ Densaýlyq saqtaý mınıstrligi ekenin atap ótken jón», - dedi Maqsat Qazıev.
Budan buryn habarlanǵandaı, DDSU statıstıkasyna sáıkes, Qazaqstan sýıtsıd sany boıynsha 20-orynda tur.
Sýıtsıdke oqtalǵan, sabaqtan jıi qalatyn jáne oıynqumar balalardyń derekqory qurylmaq.