«Barys jyly» kollektsııalyq monetalar aınalymǵa shyǵady

NUR-SULTAN. QazAqparat - Qazaqstan Ulttyq banki nomınaly 500 teńgelik «Shyǵys kúntizbesi» monetalar serııasynan «Barys jyly» kollektsııalyq monetalaryn aınalymǵa shyǵarady, dep habarlaıdy QazAqparat.

Altyn jáne kúmis monetalardyń dızaınynda «Shyǵys kúntizbesi» sýburqaǵynyń (Almaty) sáýlet elementteri paıdalanylǵan. Músindik kompozıtsııany sýretshi-monýmentalıst V. Tverdohlebov A. Tatarınovpen jáne V. Katsevpen birlesip jasaǵan.

«Barys jyly» monetalarynyń oń betinde aspan álemindegi juldyzdar kartasynda juldyzdar shoǵyrynyń mıfologııalyq sımvoly beınelengen. Sondaı-aq moneta daıyndalǵan metall, onyń synamasy men massasy jazylǵan. Shaqany aınaldyra «QAZAQSTAN RESPÝBLIKASY» jáne «REPUBLIC OF KAZAKHSTAN» degen jazýlar, kúnniń stıldendirilgen beınesi jáne monetanyń nomınaly beınelengen.

Monetalardyń teris betinde shyǵys kúntizbesi boıynsha 2022 jyldyń sımvoly – barys beınesi beınelenip, aınaldyra «2022», «ShYǴYS KÚNTІZBESІ», «VOSTOChNYI KALENDARЬ» jáne «ORIENTAL CALENDAR» dep jazylǵan. Іshki jaǵynda shyǵys kúntizbesiniń qalǵan on bir sımvoly ornalasqan.

Altyn monetalar 999/1000 synamaly. massasy – 7,78 gramm, dıametri – 21,87 mm, daıyndaý sapasy – «proof», nomınaly 500 teńek, taralymy – 1 myń dana.

Kúmis monetalar 925/1000 synamaly, massasy – 31,1 gramm, dıametri - 38,61 mm, daıyndaý sapasy – «proof», nomınaly – 500 teńge, taralymy – 3 myń dana.

Aıta keteıik, atalmysh eki moneta da kollektsııalyq quny boıynsha satýǵa arnalǵan. Olar Qazaqstan Respýblıkasynyń búkil aýmaǵynda naqty qunymen tólemniń barlyq túrleri boıynsha, sondaı-aq bank shottaryna esepteý, aýdarym jasaý úshin qabyldanýǵa, Qazaqstan Respýblıkasynyń barlyq bankterinde usaqtalýǵa jáne aıyrbastalýǵa jatady.

Altyn jáne kúmis monetalar kádesyı oramasymen shyǵarylady, memlekettik, orys jáne aǵylshyn tilderindegi QUB nómirlik sapa sertıfıkatymen jabdyqtalǵan.

Kollektsııalyq monetalar Qazaqstan teńge saraıynda daıyndaldy.