«Barys» búgin Reseıde máskeýlik «Dınamo» komandasymen kezdesedi

ASTANA. QazAqparat - Qazaqstandyq «Barys» komandasy Qurlyqtyq hokkeı lıgasyndaǵy tórtinshi oıynyn Reseıde «Dınamo» (Máskeý) komandasyna qarsy ótkizedi, dep habarlaıdy QazAqparat tilshisi.

Kezdesý búgin, 11 qyrkúıekte 22:30-da bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 33 márte kezdesti. Onyń 12-i elordalyq klýbtyń basymdyǵymen aıaqtalsa, qalǵanynda reseılik komanda jeńiske jetti.

Eki komanda arasyndaǵy sońǵy on kezdesýdiń ekeýi ǵana qazaqstandyq komandanyń jeńisimen aıaqtaldy.

Aıta ketsek, elordalyq klýb Qurlyqtyq hokkeı lıgasyndaǵy budan burynǵy tórt kezdesýinde de qarsylastaryna ese jiberdi. Saldarynan týrnır kestesinde 22-orynda keledi.

Reseılik klýb tórt kezdesýdiń ekeýinde jeńiske jetip, týrnır kestesinde onynshy orynda tur.

Al budan keıin «Barys» elordada 16 qyrkúıekte Reseıdiń «Admıral», 18 qyrkúıekte «Neftehımık» komandalaryn qabyldaıdy.