Bartoǵaı jáne Kúrti sý qoımalaryndaǵy sý shyǵyndaryn boldyrmaý jumystary oń áserin berýde

ASTANA. QazAqparat - D.Qonaev atyndaǵy Úlken Almaty kanalyna qarasty aýmaqta vegetatsııa jumystary turaqty júrýde. Eń aldymen bul jaǵdaıǵa vegetatsııa kezeńine deıin qajetti kólemdi toltyrý maqsatynda Bartoǵaı jáne Kúrti sý qoımalarynyń jumys rejımin saqtaý jumystary yqpal etti, dep habarlaıdy QR Ekologııa jáne tabıǵı resýrstar mınıstrligi.

Sondaı-aq, vegetatsııalyq kezeńge deıin negizgi sý sharýashylyǵy obektilerine sý shyǵyndaryn boldyrmaý úshin jóndeý jumystary júrgizildi. Nátıjesinde, 253,4 m3 aýmaq betondalsa, sý shyǵynyn azaıtýǵa yqpal etetin 43,5 shaqyrym arnaǵa mehanıkalandyrylǵan tazartý jumystary atqaryldy.

Alaıda, mamyr aıyndaǵy tómen temperatýraǵa baılanysty Bartoǵaı sý qoımasyndaǵy aǵyn kúshi azaıyp, 30 m3/sek-ten joǵary kóterilmedi.

Sýarmaly sýdy únemdeý úshin jergilikti atqarýshy organdar jáne fermerlik sharýashylyqtarmen birlesip sýmen jabdyqtaý kestesi túzildi. Sondaı-aq, túngi sýarýdy júzege asyrý úshin arnaıy kezekshilik uıymdastyrylyp, ár 4 saǵat saıyn júrgiziletin sý berýdiń kezektiligi saqtalýyn baqylaý jumystary kúsheıtildi.

Aǵymdaǵy jyly 60 myń ga alańǵa 640,000 mln. m3 kóleminde sýarmaly sý berý josparlanýda. Búgingi tańda 15,7 myń ga jalpy alańǵa berilgen sý kólemi – 133,000 mln. m3 quraıdy.

Qazirgi ýaqytta, Bartoǵaı sý qoımasy boıynsha sý kólemi eki esege ósip, ortasha eseppen 70 m3/sek. quraýda. Shilde aıynda da jumys atalǵan baǵytqa saı júrgizilip, vegetatsııalyq kezeń sátti ótedi dep josparlanýda.

Búgingi málimet boıynsha Bartoǵaı sý qoımasyndaǵy sý kólemi – 153,98 mln.m3, kelgen sý – 54,4 m3/sek., sý jiberý - 99,0 m3/sek.

Kúrti sý qoımasynda kólemi – 51,6 mln. m3, kelgen sý – 1 m3/sek., sý jiberý -10,0 m3/sek.