Bartoǵaı sý qoımasynda joǵalǵan otbasynyń týystary qutqarýshylarǵa alǵys bildirdi
Bul týraly QazAqparat QR Tótenshe jaǵdaılar mınıstrliginiń baspasóz qyzmetine silteme jasap habarlaıdy.
Esterińizge sala keteıik, jeti adamnan turatyn otbasy (tórt er adam, eki áıel jáne bala) 2023 jyldyń ekinshi qańtarynda eki jeńil avtokólikpen Almaty qalasynan Asy ústirtine qaraı attanyp, úılerine oralmady.
Іzdeýdi TJ departamentiniń, Respýblıkalyq jedel-qutqarý jasaǵynyń kúshteri joǵary ótimdi tehnıkany, sondaı-aq jergilikti atqarýshy organdary, polıtsııa departamenti men eriktilerdi tarta otyryp júrgizildi.
2023 jylǵy 3 qańtarda saǵat 20-30-da Bartoǵaı sý qoımasy tarapynan Respýblıkalyq jedel-qutqarý jasaǵy men Qonaev qalasy jedel-qutqarý jasaǵy tobynyń kúshimen Fesenkov atyndaǵy Astrofızıka Instıtýtynyń observatorııasyna jetpeı 40-qa jýyq avtomashına tabyldy, olardyń arasynda joǵalǵan otbasy da boldy.
Qutqarýshylardyń kúshimen avtokólikterge janarmaı quıý jáne adamdardy kolonnadaǵy mashınalarmen evakýatsııalaý júrgizildi. Baılanys spýtnık arqyly júrgizildi. 2023 jylǵy 5 qańtarda saǵat 21.45-te Bortoǵaı sý qoımasyndaǵy qar qursaýynda qalǵan barlyq adam evakýatsııalandy.
«Joǵalǵan adamdardy qutqarýshylar tapqanyn bilgen týystary TJ departamentiniń qyzmetkerlerine qajyrly eńbekteri úshin shyn júrekten alǵys aıtyp, adamdardy qutqarý isinde densaýlyq pen tabys tiledi»,-delingen Almaty oblysy TJD baspasóz qyzmeti tartqan aqparatta.
Foto: gov.kz