Barsha qazaqstandyqqa osyndaı zeınetaqy tileımin – Mınıstr eń aýqatty zeınetker týraly

<p>ASTANA. KAZINFORM &ndash; QR Eńbek jáne halyqty áleýmettik qorǵaý mınıstri Svetlana Jaqypova Qazaqstandaǵy eń joǵary zeınetaqy týraly pikir bildirdi.</p>

Buǵan deıin Biryńǵaı jınaqtaýshy zeınetaqy qory elimizdegi eń joǵary zeınetaqy mólsheri 743 myń teńge ekenin jarııalaǵan edi. 

Osyǵan baılanysty, búgingi brıfıngte jýrnalıster mınıstrden bul aýqatty zeınetkerdiń kezinde qandaı jalaqy alǵanyn surady.

«Onyń qandaı jalaqy alǵanyn aıta almaımyn. Biraq bul adamnyń 1998 jyldan beri joǵary jalaqy alatyn jumystarda qyzmet etkeni – fakt. Demek onyń aýdarymdary maksımaldy mólsherde bolǵan. Bul aılyǵyn konvertte jasyryn almaı, ár jalaqysynyń 10 paıyzyn aýdaryp otyrǵanyn kórsetedi. Barsha qazaqstandyqqa osyndaı zeınetaqy tileımin», - dedi mınıstr Qazmedıa ortalyǵynda. 

Buǵan deıin Eńbek mınıstri ataýly áleýmettik kómek tek qana muqtaj jandarǵa taǵaıyndalatynyn aıtqan edi.