Barlyq taýqymetti birliktiń arqasynda jeńgen elmiz - «Aýyl» partııasy málimdeme jasady
«Qazaqstan Respýblıkasynyń Prezıdenti Qasym-Jomart Toqaev elimizde qalyptasqan tótenshe jaǵdaıdan týyndaýy yqtımal áleýmettik jáne ekonomıkalyq máselelerge baılanysty óte mańyzdy sheshimder qabyldap, bılik organdaryna olardyń oryndalýy boıynsha naqty tapsyrmalar berdi. Elimizde koronovırýs indetiniń eń alǵashqy belgileri paıda bola bastaǵan kezden-aq Prezıdent tarapynan ýaqtyly sheshimder qabyldanyp, indettiń taralýynyń aldyn alý boıynsha shuǵyl sharalar qolǵa alynyp jatyr. Jer jahandy qyspaǵyna alyp, álem ekonomıkasyn daǵdarysqa ushyratyp jatqan tótenshe jaıt, ókinishke qaraı Qazaqstannyń da ekonomıkasyna aýyr soqqy bolyp tıeri anyq» delingen partııa málimdemesinde.
«Aýyl» halyqtyq demokratııalyq patrıottyq partııasy Qasym-Jomart Toqaevtyń eldegi qalyptasqan jaǵdaıǵa baılanysty qabyldap jatqan sheshimderine tolyqtaı qoldaý kórsetedi.
«Barsha qazaqstandyqtardy dál osyndaı syn saǵatta el Prezıdentiniń tóńireginde toptasyp, halqymyzdyń áleýmettik ál-aýqatyn turaqtandyryp, ekonomıkany tyǵyryqtan alyp shyǵý maqsatynda atqarylyp jatqan bastamalarǵa qoldaý kórsetýge shaqyramyz. Qazir erlerimizben birge eldigimiz de aýyr synnan ótýde. Álemde indetke der kezinde mán bermeı, sheshimdi kesh qabyldap, jaǵdaıǵa nemquraıly qaraǵan elderdiń qandaı qıyndyqtarǵa tap bolyp jatqanyn kórip-bilip otyrmyz. Bizder, qazaqstandyqtar tarıhymyzda qandaı taýqymetti bolmasyn birligimizdiń arqasynda jeńgen elmiz. «Birlik bar jerde tirlik bar» deıtin babalarymyzdyń amanaty búgingi tańda ár azamattyń uranyna aınalsa, el bolyp tóngen taýqymettiń betin qaıtaratynymyzǵa senemiz» deıdi partııa basshylyǵy.