Barlyq statıstıkalyq nysandardy aqparattyq júıege engizý 2013 jyldyń birinshi jartyjyldyǵynda aıaqtalady
Búgin QR Parlamenti Májilisinde ótken Úkimet saǵatynda QR Statıstıka agenttiginiń tóraǵasy Álıhan Smaıylov osylaı málim etti.
Tóraǵanyń aıtýynsha, agenttikpen «e-Statıstıka» şeńberinde engizilgen basty jańalyqtardyń biri «Derekterdi on-line rejiminde jınaý» aqparattyq júıesi jáne «Taldaý» aqparattyq taldaý júıesi bolyp tabylady. «Biz ótken jyly engizgen «Derekterdi on-line rejiminde jınaý» AJ, respondentterge agenttiktiń saıtynda Internette sandyq qol tańba qoldaný arqyly, statıstıkalyq nysandardy toltyrýǵa múmkindigin beredi. Qazirgi kezde respondentter onlaın rejiminde 2 statıstıkalyq nysandy, al aǵymdaǵy jyldyń ortasynan bastap 65 statıstıkalyq nysanyn tapsyra alady. Barlyq 140 statıstıkalyq nysandardy atalǵan aqparattyq júıege engizý 2013 jyldyń birinshi jartyjyldyǵynda aıaqtalady dep josparlanýda», - deıdi tóraǵa.
Onyń aıtýynsha, ótken jyldyń mamyr aıynda qoldanysqa múldem jańa «Taldaý» aqparattyq-taldaý júıesi engizilgen bolatyn. Ol júıe paıdalanýshylarǵa tegin jáne de qolaıly kez kelgen ýaqytta eki tildegi úlken kólemdi derekterdi yńǵaıly úlgide tez taldaýǵa múmkindik beredi.
«Aǵymdaǵy ýaqytta júıe 600-den astam statıstıkalyq kórsetkishtermen tolyqtyryldy. Bıylǵy jyldyń ortasyna qaraı kórsetkishter 2000-ǵa jýyq bolady. «Taldaý», Internetke kirýge múmkindigi bar paıdalanýshylar úshin statıstıka organdarymen jumys jasaýǵa óte yńǵaıly qural. Qazirgi kezde «Jeke kabınet», «Taldama» jáne «Avtomattandyrylǵan jańalyqtar» modýlderin qoldanysqa engizý, sondaı-aq statıstıkalyq kórsetkishterdi júkteý jumystaryn júrgizý aıaqtalýda. Budan basqa, paıdalanýshylarǵa aqparatty statıstıkanyń salalary, «negizgi sózder», jikteýishter jáne de óńirler boıynsha izdeý múmkindigi usynylǵan», - deıdi tóraǵa.