Barlyq saılaý ýchaskesinde daýys berý barysyna beınemonıtorıng engizile me
«Qazaqstan Respýblıkasyndaǵy saılaý týraly» Konstıtýtsııalyq zańnyń 8-babyna sáıkes Respýblıka Prezıdentin, Parlamenttiń jáne máslıhattardyń depýtattaryn, ákimdi, ózge de jergilikti ózin-ózi basqarý organdarynyń múshelerin saılaýda jasyryn daýys beriledi ári saılaýshylardyń erkin bildirýine qandaı da bolsyn baqylaý jasaý múmkindigine jol berilmeıdi. Saılaý ýchaskelerinde onlaın-translıatsııa fýnktsııasymen jabdyqtalǵan beınebaqylaý kameralaryn ornatý máselesin Konstıtýtsııalyq zańda belgilengen daýys berý qupııasy qaǵıdatyn saqtaý turǵysynan qaraý qajet. Beınebaqylaý kameralaryn adamdardy avtomatty túrde taný júıesimen jabdyqtaý bóliginde «Derbes derekter jáne olardy qorǵaý týraly» Zańǵa sáıkes bıometrııalyq derekter – derbes derekter sýbektisiniń fızıologııalyq jáne bıologııalyq erekshelikterin sıpattaıtyn derbes derekter, olardyń negizinde osy sýbektiniń jeke basyn anyqtaýǵa bolatyn eskerý qajet. Joǵaryda atalǵan Zańnyń 7-babynyń 3-tarmaǵyna sáıkes sýbektiniń nemese onyń zańdy ókiliniń kelisimi bolǵan kezde derbes derekterdi jalpyǵa qoljetimdi kózderde taratýǵa jol beriletini reglamentteledi», - dedi Úkimet basshysy jaýabynda.
Sondaı-aq Premer-Mınıstr tehnıkalyq múmkindikter, búkil el boıynsha, ásirese aýyldyq eldi mekenderde ınternettiń sapasy men qamtylýy jetkiliksiz ekenin, sondaı-aq olardy syrtqy áserlerden qorǵaý maqsatynda baılanys berý arnalarynyń qaýipsizdigin qamtamasyz etý máselelerin atap ótedi.
«Budan basqa, saılaý ótkizý protsesi turaqty sıpatta emes, aýyq-aýyq ótkiziledi. Osyǵan baılanysty beınejabdyqtardy satyp alýdyń ekonomıkalyq tıimsizdigi men orynsyzdyǵyn atap ótemiz. Óıtkeni barlyq saılaý ýchaskelerin beınekameralarmen jaraqtandyrý respýblıkalyq bıýdjetten qomaqty bıýdjet qarajatyn bólýdi talap etedi. Býhgalterlik esep talaptaryna sáıkes beınekameralar negizgi quraldarǵa jatady. Tıisinshe, olardy uıymdardyń balansynda esepke alý jáne keıinnen saqtaý qajet. Árbir saılaý kezeńinde olardy ornatý jáne qaıta jınaqtaý da shyǵyndardy qajet etedi», - dedi ol.
Onyń atap ótýinshe, saılaý ýchaskeleri kóbine beınebaqylaýmen jaraqtandyrylǵan bilim berý mekemelerinde ornalastyrylady.
«Sonymen qatar Konstıtýtsııalyq zańynyń 20-1-baby 2-tarmaǵynyń 9) tarmaqshasyna sáıkes Qazaqstan Respýblıkasy saıası partııalarynyń, ózge de akkredıttelgen qoǵamdyq birlestikteriniń, kommertsııalyq emes uıymdarynyń baıqaýshylary daýys berý barysyna jáne onyń qorytyndylaryn shyǵarýǵa kedergi jasamaı, fotojazba, dybysjazba jáne beınejazba jasaýǵa quqyly. Joǵaryda aıtylǵandardy eskere otyryp, qoldanystaǵy zańnama daýys berý barysyn beınetirkeý múmkindigin jetkilikti dárejede qamtamasyz etedi dep sanaımyz», - dedi Álıhan Smaıylov.