Barlyq sanaly azamat táýelsiz memlekettiń gúldenýine at salysýy kerek - UOS ardageri Ý. Shalekenov

ALMATY. Sáýirdiń 30-y. QazAqparat / Ádilet Musahaev / - Keshegi Uly Otan soǵysy jyldarynda tyldaǵy halyq maıdandaǵylarǵa járdemdesip, qoldan kelgen kómegin aıanbaı kórsetti.

Bul jaıynda Uly Otan soǵysynyń ardageri, polkovnık, tarıh ǵylymdarynyń doktory, akademık, QR eńbek sińirgen qaıratkeri Ýahıt Shalekenov QazAqparat tilshisimen suhbattasý barysynda aıtty.

Ardager 1942 jyly Keńes armııasy qataryna shaqyrylyp, 1943 jyly Kýrs-Orlov baǵytyndaǵy surapyl soǵysqa qatysqanyn aıtady. «19 jasymda vzvod komandıri boldym. Soǵys barysynda kóptegen qalalardy aldyq. Sonyń ishinde Harkov qalasyn eń sońǵy ret bosattyq. Ol shaıqas kezinde qoldan-qolǵa ótip turǵan qala edi. Sondaı qalalardy azat etý kezinde jaraqat ta aldym», deıdi Ý.Shalekenov.

Sonymen qatar Harkov túbindegi soǵysta «Qyzyl Juldyz» ordenimen, Uly Otan soǵysynyń eki ordenimen jáne kóptegen medaldarmen marapattalǵan.

«Soǵystan oralǵan soń oqý oqyp, 60 jyldaı el ǵylymyna qyzmet ettim. Daıyndaǵan shákirtterim de kóp», deıdi Ý. Shalekenov .

Sondaı-aq ardager keıingi urpaqty elin súıýge tárbıelep, patrıottyq sezimin nyǵaıtyp, keleshek urpaqtardyń elin qorǵaýda azamattyǵy men adamgershiligin kúsheıtý kerektigin aıtady. «Jastarymyzdyń egemen elimizdi qorǵaıtyn, adamgershiligi mol, qaıratty azamat bolyp ósýin tileımin. Barlyq sanaly azamat táýelsiz memlekettiń gúldenýine at salysýy kerek», deıdi Ýahıt Shalekenov.