Barlyq óńirde sport alańdary men qural-jabdyqtar tekseriledi - Ǵanı Beısembaev

ASTANA. QazAqparat – Oqý-aǵartý mınıstri Ǵanı Beısembaev fýtbol qaqpasynyń qulaýynan bala mert bolǵan Astanadaǵy jazataıym oqıǵaǵa qatysty pikir bildirdi, dep habarlaıdy QazAqparat tilshisi.

«Elordanyń bilim basqarmasy keshe barlyq mektepterdiń sport alańdaryn tekserýge tapsyrma berdi. Astanada ǵana emes, elimizdiń barlyq óńirinde sport alańdary men qural-jabdyqtar tekseriledi», - dedi Ǵanı Beısembaev Úkimet kýlýarynda.

Eske sala ketsek, keshe Astanadaǵy №10 mekteptiń aýmaǵynda 10 jasar balanyń ústine fýtbol qaqpasy qulaǵan. Alǵan jaraqatynan oqýshy kóz jumdy.

Bul oqıǵa boıynsha qylmystyq is qozǵalyp, sotqa deıingi tergeý bastaldy.

Aıta ketsek, maýsym aıynda Aqtaýda basyna fýtbol qaqpasy qulaǵan 16 jastaǵy jasóspirim qaıtys boldy.

Al, mamyr aıynda 13 jasar bala Temirtaýdaǵy sport kortynda jaraqat aldy. Balanyń basyna fýtbol qaqpasy qulaǵan.