Barlyq mektep qaýipsizdik talaptaryna saı kelmeıdi – Álıhan Smaıylov
«Bilim berý obektileriniń qaýipsizdigine de nemquraıly qaraýǵa jol bermeý kerek. Bilim berý uıymdarynda balalardyń qaýipsizdigin qamtamasyz etý boıynsha túbegeıli sharalar qabyldaý kerektigine qatysty birneshe ret tapsyrma berildi. Bul máseleni jaqynda Memleket basshysynyń saılaýaldy baǵdarlamasyn iske asyrý jónindegi respýblıkalyq shtab otyrysynda da qaradyq. Bilim berý obektileriniń barlyǵy birdeı qaýipsizdik talaptaryna saı kelmeıdi», - dedi Álıhan Smaıylov Úkimet otyrysynda.
Úkimet basshysynyń aıtýynsha, mektepterdiń 30%-dan astamy áli kúnge deıin polıtsııanyń jedel basqarý ortalyǵyna qosylmaǵan.
«Osy rette, jumysty belsendi júrgizý qajet. 1 qyrkúıekten bastap barlyq bastaýysh synyp oqýshylary ıaǵnı shamamen 1,5 mln bala tegin tamaqpen qamtylatynyn atap ótý kerek. Bıyl az qamtylǵan otbasylar mektep kıimi men keńse taýarlaryn satyp alý úshin bir balaǵa keminde 40 myń teńgeden alatyn bolady. Barlyǵy 500 myńǵa jýyq balaǵa osyndaı kómek kórsetiledi. Balalardy mektepke tasý úshin bıyl 500-den asa jańa avtobýs satyp alyndy», – dedi Premer-Mınıstr.
Sondaı-aq Álıhan Smaıylov oqý jylynyń bastalýyna oraı ınfraqurylymdy damytyp, oqý protsesine sapaly daıyndyqty qamtamasyz etý úshin aýqymdy jumys júrgizilgenin aıtty.