Barlyq qazaqstandyq teń quqyly – QHA

NUR-SULTAN. QazAqparat – Qazaqstanda turyp jatqan barlyq ult ókilderiniń quqyǵy teńdeı. Bul jaıynda Qazaqstan halqy Assambleıasy taǵy bir márte eske saldy, dep habarlaıdy QazAqparat tilshisi.

QR Konstıtýtsııasy kúnine arnalǵan «Táýelsizdiktiń 30 jyldyǵy – birliktiń, beıbitshilik pen kelisimniń 30 jyldyǵy» taqyrybynda ótken dóńgelek ústel barysynda Qazaqstan halqy Assambleıasynyń músheleri memlekettik tildi bilýge qatysty óte kinámshil suraqty qozǵady. Olar bul másele kópultty respýblıka turǵyndary arasyndaǵy alaýyzdyq týdyrmaýy tıis degen ortaq paıymǵa keldi.

«Orys halqynyń ókili retinde eki halyqtyń, qazaq pen orystyń taǵdyry tarıhı turǵyda baıaǵydan-aq órilgendigin aıta alamyn. Ondaǵan jyldar boıy bizdiń taǵdyrymyz, ómirimiz, mádenıetimiz bir-birimen birigip ketti. Sondyqtan Qazaqstanda orystar nashar turady nemese olar qysym kórip jatyr deý – bul dáleldenbegen, daýryqpa sóz», - dedi Natalıa Dementeva.

Aıta keteıik, is-sharaǵa Májilis depýtattary, Qazaqstan halqy Assambleıasy saraptamalyq keńesiniń músheleri, zııaly qaýym men etnomádenı birlestikterdiń ókilderi qatysty. Olar azamattardyń quqyqtary men bostandyqtary, Ata zańnyń normalarymen bekitilgen teńdik, birlik, zań ústemdigi qaǵıdattary týraly máselelerdi qozǵady. Qazaqstannyń Táýelsizdik jyldaryndaǵy eldegi etnosaralyq, qoǵamdyq kelisim men jalpyulttyq birlikti qamtamasyz etýsalasyndaǵy mańyzdy jetistikteri talqylandy.