Barlyq deńgeıdegi máslıhattardyń ókilettikteri toqtatyldy

ASTANA. QazAqparat - Memleket basshysy barlyq deńgeıdegi máslıhattardyń ókilettikterin toqtatý týraly Jarlyqqa qol qoıdy, dep habarlaıdy QazAqparatAqordanyń resmı saıtyna silteme jasap.

Qazaqstan Respýblıkasy Konstıtýtsııasynyń 86-babynyń 5-tarmaǵyna, «Qazaqstan Respýblıkasyndaǵy saılaý týraly» Qazaqstan Respýblıkasy Konstıtýtsııalyq zańynyń 101-babynyń 3-tarmaǵyna, «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» Qazaqstan Respýblıkasy Zańynyń 23-babynyń 2-tarmaǵyna sáıkes QAÝLY ETEMІN:

1. Barlyq deńgeıdegi máslıhattardyń ókilettikteri merziminen buryn toqtatylsyn.

2. Qazaqstan Respýblıkasynyń Ortalyq saılaý komıssııasy barlyq deńgeıdegi máslıhattar depýtattarynyń kezekten tys saılaýyn taǵaıyndaý, onyń daıyndyǵy men ótkizilýin uıymdastyrý jónindegi sharalardy qabyldasyn.

3. Qazaqstan Respýblıkasynyń Úkimeti, Astana, Almaty, Shymkent qalalarynyń jáne oblystardyń ákimderi barlyq deńgeıdegi máslıhattar depýtattarynyń kezekten tys saılaýyn uıymdastyrýshylyq, materıaldyq-tehnıkalyq jáne qarjylyq qamtamasyz etý jónindegi sharalardy qabyldasyn.

4. Osy Jarlyq jarııalanǵan kúninen bastap qoldanysqa engiziledi.

Qazaqstan Respýblıkasynyń

Prezıdenti Q.Toqaev

Astana, Aqorda, 2023 jylǵy 19 qańtar

№ 105