Barlyq deńgeıdegi máslıhat depýtattyǵyna 7 885 kandıdat usynyldy - QR OSK
«Ózderińizge belgili, 2016 jylǵy 20 naýryzda barlyq deńgeıdegi máslıhattardyń 3335 depýtaty, sonyń ishinde oblystyq, Astana jáne Almaty qalalary máslıhattarynyń 550 depýtaty, aýdandyq máslıhattardyń 2160 jáne qalalyq máslıhattardyń 625 depýtaty saılanady. Máslıhattar depýtattyǵyna kandıdattardy usyný belsendi ótýde. Oblystyq, Astana jáne Almaty qalalarynyń aýmaqtyq saılaý komıssııalarynyń usynǵan sońǵy málimetterine sáıkes barlyq deńgeıdegi máslıhattar depýtattyǵyna 7885 kandıdat usynyldy», - dedi ol.
Olardyń 866-sy - oblystyq máslıhattarǵa, 34-i - Astana máslıhatyna, 133-i - Almaty qalalyq máslıhatyna usynylyp otyr. Aýdandyq máslıhattarǵa 5403 kandıdat, qalalyq máslıhattarǵa - 1449 kandıdat usynyldy.
«Osylaısha, bir depýtattyq mandatqa ortasha básekelestik qazirgi ýaqyttyń ózinde 2-den astam adamdy quraıdy. Saıası partııalar 1942 adamdy (24,6 %), qoǵamdyq birlestikter - 12 adamdy (0,2 %), 5931 adam (75,2 %) ózin-ózi usyndy. Usynylǵan kandıdattardyń ishinde 40 ulttyń ókilderi bar, 71,4 paıyzy - er adamdar, 28,6 paıyzy - áıel adamdar. 72,3 paıyzynyń joǵary bilim bar. Ortasha jasy - 43 jas», - dedi M.Sársembaev.
OSK múshesiniń aıtýynsha, usynylǵan kandıdattardyń ishinde ákimdikter men máslıhattar qyzmetkerleri - 255 adam (3,2 %), memlekettik kásiporyndardyń, mekemelerdiń jáne uıymdardyń qyzmetkerleri - 3653 adam (46,3 %), kommertsııalyq qurylymdardyń qyzmetkerleri - 3384 adam (42,9 %), saıası partııalar men ÚEU-nyń ókilderi - 135 adam (1,7 %), zeınetkerler - 60 adam (0,8 %), jumyssyzdar - 202 adam (2,6 %), 5 adam (0,1 %) jumys ornyn kórsetpedi.
«Okrýgtik saılaý komıssııalary máslıhattar depýtattyǵyna 1096 kandıdatty tirkedi», - dep túıindedi sózin ol.