Barlyq deńgeıdegi máslıhat depýtattyǵyna 2 865 kandıtat tirkeldi - QR OSK
Máslıhattar saılaýyna úmitkerlerdi usyný qazirgi ýaqytta belsendi túrde júrip jatyr. Ózderińiz biletindeı, 20 naýryz kúni bizdiń elimizde 3335 saılaý okrýgi boıynsha oblystyq, qalalyq jáne aýdandyq máslıhat depýttaryna saılaý ótkiziledi. Saılaý komıssııalarynyń 4 aqpan kúni tańerteńgi 10-da bergen málimetterin sizderge jarııa eter bolsam respýblıka boıynsha barlyǵy 2865 kandıdat usynylyp otyr», - dedi ol.
L.Súleımenniń atap ótýinshe, olardyń ishinde oblystyq, Astana jáne Almaty qalalyq máslıhattaryna - 324, aýdandyq máslıhattarǵa - 2015, qalalyq máslıhattarǵa - 526 úmitker usynylǵan.
«Aıta keterlik bir másele bul usynylǵan úmitkerlerdiń basym bóligin ózin-ózi usynǵan adamdar quraıdy. Oblystar boıynsha aıtar bolsaq, Soltústik Qazaqstan, Qaraǵandy, Shyǵys Qazaqstan, Qostanaı oblystarynda kandıdattardy usyný belsendi júrgizilýde. Saılaý komıssııalarynyń negizgi mindeti - zańdylyqty, ıaǵnı saılaý zańnamasyna jáne jalpyǵa tanymal halyqaralyq qaǵıdattarǵa sáıkes ádil jáne ashyq saılaýdy ótkizýdi qamtamasyz etý», - dedi QR OSK múshesi.