Barlyq bólingen qarajat ekonomıkaǵa jumys isteýi tıis – Úkimet basshysy

NUR-SULTAN. QazAqparat - Barlyq memlekettik organdar jumyspen qamtý boıynsha josparlanǵan kórsetkishterge qol jetkizýdi qamtamasyz etýi tıis. Bul týraly búgin Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

«Ákimdikter aıdyń sońyna deıin konkýrstyq rásimderdi aıaqtasyn jáne ınfraqurylymdyq jobalardy tolyq iske asyrýdy bastasyn. Jobalarda paıdalanylatyn taýarlar, jumystar men qyzmetterdiń negizgi kólemi otandyq bolýy qajet. Barlyq bólingen qarajat ekonomıkaǵa jumys isteýi tıis»,- dedi Úkimet basshysy.

Premer-Mınıstr ekinshiden, barlyq memlekettik organdarǵa jumyspen qamtý boıynsha josparlanǵan kórsetkishterge qol jetkizýdi qamtamasyz etýdi tapsyrdy.

«Úshinshi, Eńbek mınıstrligi «Jumyspen qamtý« jol kartasyn, sondaı-aq turaqty jumys oryndaryn qurý jáne halyqty jumysqa ornalastyrý turǵysynan basqa da memlekettik baǵdarlamalardyń iske asyrylý barysyna kún saıyn monıtorıng júrgizsin. Eraly Luqpanuly, baqylaý sizde», - dedi Asqar Mamın orynbasary Toǵjanovqa qarata.