Barlyq aımaqta kómir tapshylyǵy joq – Beıbit Atamqulov
«Aldaǵy jylytý maýsymyna otyn qajettiligi 1 237 myń tonna kómir men 214 myń tonna mazýtty quraıdy.Búgingi kúni 1 139 myń tonna kómir jáne 144 myń tonna mazýt daıyndaldy. Qazandyqtar úshin mazýtty satyp alýdyń qarqyny Aqmola, Jambyl oblystarynda tómen ekeni baıqalady. Ákimdikter avtonomdy qazandyqtar úshin otyndy ýaqtyly satyp alý jáne ákelý jóninde shuǵyl sharalar qabyldaýy qajet», - dedi Beıbit Atamqulov.
Onyń aıtýynsha, kómir óndirýshi kompanııalar 2020 jyldyń 8 aıynda 69 mln tonna kómir óndirdi, bul ótken jyldyń tıisti kezeńine sáıkes keledi. Kómirdi eksporttaý 18,5 mln tonnany qurady.
«2020-2021 jyldardaǵy kezeńde kommýnaldyq-turmystyq muqtajdyqtar men halyqqa arnalǵan kómir tutyný kólemi shamamen 10 mln tonnany qurady, onyń ishinde kommýnaldyq-turmystyq sektorǵa 2,8 mln tonna, turǵyndar – 7,2 mln tonna bolady. 2020 jylǵy 28 qyrkúıektegi jaǵdaı boıynsha jalpy josparǵa sáıkes kómir qorymen kommýnaldyq-turmystyq sektor 76, turǵyndar 65 paıyz qamtamasyz etildi. Barlyq aımaqtarda kómir qory daıyndalǵan jáne tapshylyq joq. Óńirler kómirdi kestege sáıkes jetkizip jatyr», - dedi mınıstr.
Beıbit Atamqulovtyń aıtýynsha, jylý berý maýsymyna daıyndyq bastalǵannan bastap osy jyldyń 1 mamyrynan osy kúnge deıin temirjol kóligimen 22,1 mln tonna kómir tasymaldandy.
«Bul 2019 jyldyń tıisti kezeńindegi kórsetkishten 0,4 paıyzǵa artyq. Temir jol kóliginiń parki qajettilikti tolyq qamtamasyz etedi», - dedi ol.