Barlyq aýylǵa memlekettiń qarajaty jetpeıdi – Ulttyq ekonomıka vıtse-mınıstri

NUR-SULTAN. QazAqparat – Ulttyq ekonomıka vıtse-mınıstri Ermek Alpysov aldaǵy ýaqytta Qazaqstandaǵy 6,5 myń aýyldy eldi mekenniń irgeli degen 3,5 myńyna mańyz beriletinin málim etti, dep habarlaıdy QazAqparat tilshisi.

«Jalpy, Aýyldardydamytý baǵdarlamasy buryn Aýyl sharýashylyǵy mınıstrliginiń quzyryndaǵy arnaıykomıtet arqyly júzege asyrylatyn. Men endi ol kezdegi baǵyt durys nemese burysboldy dep aıta almaımyn. Qazirgi kezde negizgi ákimshi – Ulttyq ekonomıkamınıstrligi. Elbasynyń tapsyrmasymen «Aýyl – el besigi» jobasyn qolǵa alyp,aýyldy eldi mekenderdi jańartamyz dep josparlap jatyrmyz. Buryn respýblıkalyqbıýdjetten qarajat aýyldardaǵy tek negizgi problemalardy – aýyz sý nemese elektrjelileri máselelerin sheshý úshin kózdelgen. Biraq, barlyq jerge álbette, memlekettińqarajaty jetpeıdi. Men atap ótkendeı Qazaqstanda qazirgi tańda 6,5 myńǵa jýyqaýyldy eldimeken bar», - dedi Ermek Alpysov Úkimettiń baspasóz ortalyǵynda.

Vıtse-mınıstrdińaıtýyna qaraǵanda, jaǵdaıy tómen, áleýeti tómen aýylǵa – birneshe júz mıllıonteńgeniń sý qubyrlary júrgizilgen jaǵdaılar da bolǵan.

«Bul rettebıýdjettiń qarajaty durys paıdalanylmaǵan shyǵar. Sondaı jaǵdaı bolmaý úshin biz6,5 myńǵa jýyq eldimekennen 3,5 myńǵa jýyǵyn iriktedik. Damý áleýeti baraýyldardy órkendetýimiz kerek. Jumys eń aldymen sol aýyldardaǵy halyq qalaǵakóship ketpeý úshin jasalyp jatyr. Joldaryn, mektepterin, basqa ınfraqurylymynjóndep berip, baǵdarlamalar arqyly sharýa qojalyqtarǵa qoldaý bildirgen abzal.Eseptep otyrsaq, iriktelgen 3,5 myń eldi mekende aýyl halqynyń 85 paıyzy turadyeken. Halyqtyń 15 paıyzy ǵana qalǵan usaq eldimekenderge qarajat bólinbeıdi depaıta almaımyn. Qarajat bólinedi. Biraq, aǵymdy jumystarǵa beriledi. Ondaıaýyldarda mektep salýdyń qajeti joq», - dedi ol.

Eske sala ketsek,Ermek Alpysov buǵan deıin «Dıplommen aýylǵa» baǵdarlamasy boıynsha 5 172 mamanǵa bir rettik kóterme járdemaqy berilgenin habarlaǵan bolatyn.