«Barlyǵyna qarsymyn» baǵanyn engizý úlken jetistik dep sanaımyn – qyrǵyzstandyq baıqaýshy

ASTANA. QazAqparat – Qyrǵyzstan SІM janyndaǵy Dıplomatııalyq akademııanyń Halyqaralyq qatynastar jáne quqyq kafedrasy professorynyń mindetin atqarýshy Irına Orolbaeva ózi baıqaǵan saılaýdyń erekshelikterin atady. Onyń aıtýynsha, saılaýshylar joǵary daıyndyqpen kelip, saılaý komıssııasy ókilderine sırek júginip jatyr, dep habarlaıdy QazAqparat tilshisi.

«Biz birneshe saılaý ýchaskesin araladyq. Áýeli Dostyq úıinde ornalasqan ýchaskege bardyq. Onda prtses óte ashyq ótip jatyr. Degenmen bul saılaý ýchaskesine kelýshilerdiń qatary az. Buǵan qaramastan men jańashyldyqtyń kóp ekenin atap ótkim keledi. Adamdar daýys berýge daıynyndalyp kelgen. Olar osy jolǵy saılaý ózgeshe ekenin biledi. Óıtkeni, 4 bıýlleten bar. Daýys berýshiler saılaý komıssııasy ókilderine túrli máselelermen sırek júginip jatyr. Bul joly kóptegen jańa ózgeris bar. Máselen, «Barlyǵyna qarsy» degen baǵannyń bıýlletenge engizilýi - úlken jetistik dep sanaımyn», - deıdi halyqaralyq baıqaýshy Irına Orolbaeva.

Eske salaıyq, búgin Qazaqstanda Májilis pen máslıhat depýtattaryn saılaý ótip jatyr.