Barlyǵy zań aıasynda bolady - Berdibek Saparbaev Qordaı turǵyndarymen kezdesti
Aımaq basshysy aýdanǵa jumys sapary barysynda «Beıbitshilik pen kelisim» pılottyq jobasyn júzege asyrý boıynsha atqarylyp jatqan jumystardyń esebin tyńdap, jergilikti turǵyndarmen kezdesti.
Oblys ákimi atalmysh joba aıasynda 13 myńnan astam kordaılyqty qamtyǵan 400-den astam is-shara ótkizilgendigin atap ótti. Endi taldaý barysynda anyqtalǵan túıtkilderdi sheshý úshin júıeli jumys isteý qajet. Bul týraly oblystyq salalyq basqarmalardyń basshylary – jumys toptarynyń jetekshileri egjeı-tegjeıli baıandady. Olar jobanyń aqparattyq-túsindirý jumystary, áleýmettik, kásipkerlikti damytý, din jáne qaýipsizdik máseleleri baǵyttary boıynsha qolǵa alynǵan sharalarǵa jan-jaqty toqtalyp ótti. Bir apta ishinde halyqpen túrli kezdesýler ótkizgen jumys toptary aýyl turǵyndarynyń tirshiligine qatysty barlyq salalardy qamtyǵan.
Óńir basshysy kordaılyqtardyń ózekti máselelerine aıryqsha nazar aýdaryp, aýyldyqtardyń kásipkerlik bastamalaryn qoldaý úshin qosymsha granttar men shaǵyn nesıeler bólý sharalary bastalǵanyna, asyraýshysynan aıyrylýyna baılanysty tıisti járdemaqylardyń resimdelgenine jáne onyń ýaqytynda tólenetinine sendirdi. Sonymen qatar, ımamdardyń rotatsııasy sııaqty mańyzdy máselelerge de kóńil bólý kerektigi aıtyldy.
Aýdandyq máslıhat depýtaty Qarlyǵash Qypshaqbaeva atalǵan joba Qordaı turǵyndarynyń ómirin jaqsartýǵa qaýqarly ekendigin tilge tıek etse, al Qordaı aýylynyń turǵyny Bolat Anarbekov nesıe berý jáne qujattardy rásimdeý boıynsha tıisti mamandardyń jıi kelip, jergilikti halyqqa keńes berip otyrýy boıynsha ótinishin jetkizdi.
Masanshy aýyldyq okrýgi ardagerler keńesiniń tóraǵasy Dıder Dvýmarov 100-den astam dúngendik otbasy dástúr boıynsha Shý aýdanyna attanǵanyn habarlady.
Berdibek Saparbaev buǵan deıin mundaı otbasylardyń sany 300-ge jýyq bolǵanyna toqtalyp, jergilikti halyqtyń onda kedergisiz bara alatynyn, jer bólý máselesinde eshqandaı kedergiler týyndamaıtynyn basa aıtty. Bul másele aımaq basshysynyń tikeleı baqylaýynda.
«Sizder tek ózderińiz úshin ǵana jumys istep qoımaı, oblystyń jáne jalpy eldiń azyq-túlik qaýipsizdigine de úles qosa alasyzdar. Bul óte mańyzdy. Ásirese qazirgideı kúrdeli jaǵdaıda buǵan aıryqsha den qoıǵan abzal», - dep atap ótti ol.
Sortóbe aýylynyń ımamy Ǵubar Pansharov Qordaı aýyldary qalypty tirshilikterin jalǵastyryp otyrǵandyǵyn tilge tıek etip, karantındik sharalardy barynsha saqtaýǵa atsylysatyndyqtaryn bildirdi.
Kezdesýdi qorytyndylaı kele, aımaq basshysy árbir aıtylǵan máselege kóńil bólip, bılik óz mindtterin kúmánsiz oryndaıtynyn jetkizdi. Bekitiligen jol kartasyna engen barlyq máseleler birtindep sheshilmek. Aımaq basshysy onyń oryndalýyna tikeleı ózi qadaǵalaý jasap otyrady.
«Turǵyndarmen jıi kezdesip otyrý kerek. Jobadan alatyn basty sabaǵymyz sol. Memleket basshysy ekonomıkany damytý jáne qazaqstandyqtardyń áleýmettik jaǵdaıyn jaqsartý jóninde naqty sharalar qabyldaýda. Qordaı aýdanyna da tıisti qarajat bólindi. Ol ońaılatylǵan tártipte beriletin bolady. Jergilikti turǵyndar jańa jobalarmen jumys isteýi tıis.
Shekaradaǵy baqylaýdy, kontrabandaǵa jáne qylmystyń basqa da túrlerine qarsy kúresti kúsheıtemiz.
Mektepterdegi bilim berý deńgeıi tómen kúıinde qalyp otyr. Jergilikti oqý oryndaryn bilikti kadrlarmen qamtamasyz etý máselesin pysyqtaý qajet. Oqý úshin kórshi Qyrǵyzstanǵa barýdyń qajeti joq. Biz Sortóbe men Masanshy aýyldarynyń arasynda ornalasatyn kolledj qurylysyn júrgizýdi josparlap otyrmyz», - dedi aımaq basshysy.
Berdibek Saparbaev árbir aýdanda magnıtti-rezonanstyq tomografııa apparaty bolatyn bolsa, adamdar quny qymbat taldaý sharalary úshin oblys ortalyǵyna sabylmaıtynyna nazar aýdartty. Kez kelgen aýrýdy emdeýdegi eń basty másele – dál qoıylǵan dıagnoz ekendigin alǵa tartty.
«Qordaı aýdanynda zardap shekken úılerdi qalpyna keltirý jumystary jaqyn arada bastalady. Demeýshilerden qarajat jınalýda. Degenmen, jyljymaıtyn múliktiń barlyq qujattary tıisti talaptarǵa saı bolýy kerek», - dep atap ótti aımaq basshysy.
B. Saparbaev aýdan jáne aýyl ákimderiniń túrli memlekettik baǵdarlamalardyń múmkinshilikterin túsindirý boıynsha jumystarynyń álsizdigin nazar aýdardy. Adamdar kóbisi olardan habardar emes. Ákimderdiń eń basty mindeti – qajetti aqparattardy turǵyndarǵa jetkizý, bólinip jatqan qarajattar azamattardyń tabys deńgeıin arttyrýǵa negizdelgendigin tilge tıek etti aımaq basshysy.
Jambyl oblysynyń ákimi qalpyna keltirý jumystarynan bastap, tártip buzǵandarǵa qatysty qylmystyq isterdi tergeý sharalarynyń bári zań aıasynda júrgiziletinin eske saldy.
«Biz quqyqtyq memlekette turamyz. Eger kimde-kim zańdy buzsa, ult pen dinı nanym - senimine qaramastan, barlyǵy zań aldynda jaýap beretin bolady», - dep túıindedi oblys ákimi óz sózin.
Sonymen qatar, osy kúni Berdibek Saparbaev «Qarasý» baqylaý-ótkizý beketinde bolyp, shekaralyq jáne kedendik qyzmetterdiń, sondaı-aq Qyrǵyzs Respýblıkasynan kelgen azamattardy tekserý is-sharalaryn júrgizetin medıtsına qyzmetkerleriniń jumysymen tanysty.