«Barys» sońynan sóz ergen Maıkl Maklaýdpen kelisimshartqa qol qoıdy
Tergeý málimetine qaraǵanda, qylmystyq oqıǵa Kanada jasóspirimder quramasynyń hokkeıden 2018 jylǵy álem chempıonatyndaǵy jeńisin toılaý kezinde bolǵan.
Atalmysh is-shara barysynda Maklaýd jáne basqa birneshe oıynshy áıelge seksýaldyq zorlyq-zombylyq jasady degen aıypqa ilikken.
Polıtsııa bastapqyda isti 2018 jyly japqan. Alaıda qoǵamdyq pikir týyndaǵan soń 2022 jyly tergeý qaıta jandanǵan.
Kanada hokkeı komandasy jábirlenýshige 3,5 mln dollar tólegen, biraq oıynshylar jazasyz qalǵan. Tek 2024 jyly qańtarda Maklaýd jáne 4 sportshyǵa seksýaldyq zorlyq-zombylyqqa qatysty resmı túrde aıyp taǵylǵan.
Klýbtyń bas menedjeri Oleg Bolıakın atalmysh oqıǵaǵa baılanysty túsinik berdi.
«Biz osyndaı deńgeıdegi oıynshymen komanda quramyn nyǵaıtqanymyzǵa rızamyz. Maklaýd sońǵy tórt maýsym boıy «Nıý-Djersı» quramynda sátti oınady. Komandasyna paıda ákele otyryp, shaıbany oıynǵa qosý kezinde utyp alý boıynsha NHL kóshbaslylarynyń qatarynan kórindi. Kanadaǵy oqıǵaǵa baılanysty aıtarym, Maıkl kinásin moıyndaǵan joq, óz múddesin sotta qorǵaıtyn bolady. Basqa pikir aıtýdan toqtala turamyz. Qazirgi kezde biz Maklaýdty aldyńǵy sheptegi birinshi oıynshy retinde qarastyramyz. Ol «Barystyń» kóshbasshysy ǵana emes, QHL-da tanymal oıynshylardyń birine aınala alady», dedi Bolıakın.
«Barys» quramyna kirgen Maklaýd 90-shy nómirdi alyp úlgergen. Ol taǵylǵan aıypty moıyndamaı, sotta ózin qorǵamaqshy. Komanda onyń Astanaǵa áli kelmegenin jetkizdi.
Sot talqysy alqabılerdiń qatysýymen ótetin bolady.