Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn Reseıde «Sıbır» (Novosibir) komandasyna qarsy ótkizdi, dep habarlaıdy Kazinform.
Búgingi kezdesý elordalyq komanda úshin sátsiz bastaldy.
Reseılik klýb birinshi kezeńde qatarynan tórt shaıba soǵyp ketti.
Ony Teılor Bek - 3, Vladımır Býtýzov - 15, Nıkolaı Prohorkın - 17, Artem Mıheev 18-mınýtta óziniń enshisine jazdy.
Ekinshi kezeńde «Sıbır» sapynan Endı Andreoff 28-mınýtta basymdyqty arttyra tústi.
Oǵan qazaqstandyq klýbtan Entonı Kamara 32-mınýtta bir golmen jaýap qaıyrdy.
Osylaısha «Barys» qarsylasynan 1:5 esebimen jeńilip qaldy.
Endi elordalyq komanda ulttyq qurama Reseıde ótetin Birinshi arna kýbogyna qatysady.
Osyǵan baılanysty Qurlyqtyq hokkeı lıgasynda 19 jeltoqsanǵa deıin úzilis jarııalandy.
Sol kúni «Barys» Reseıde «Salavat ıÝlaev» komandasymen oınaıdy.
Eske salsaq, budan buryn «Barys» «Avangardtan» utylǵan edi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.