«Barys» «Sıbır» komandasynan jeńilip qaldy

<p>Qazaqstandyq &laquo;Barys&raquo; komandasy Qurlyqtyq hokkeı lıgasyndaǵy kezekti oıynyn Reseıde &laquo;Sıbır&raquo; (Novosibir) komandasyna qarsy ótkizdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Búgingi kezdesý elordalyq komanda úshin sátsiz bastaldy.

Reseılik klýb birinshi kezeńde qatarynan tórt shaıba soǵyp ketti.

Ony Teılor Bek - 3, Vladımır Býtýzov - 15, Nıkolaı Prohorkın - 17, Artem Mıheev 18-mınýtta óziniń enshisine jazdy.

Ekinshi kezeńde «Sıbır» sapynan Endı Andreoff 28-mınýtta basymdyqty arttyra tústi.

Oǵan qazaqstandyq klýbtan Entonı Kamara 32-mınýtta bir golmen jaýap qaıyrdy.

Osylaısha «Barys» qarsylasynan 1:5 esebimen jeńilip qaldy.

Endi elordalyq komanda ulttyq qurama Reseıde ótetin Birinshi arna kýbogyna qatysady.

Osyǵan baılanysty Qurlyqtyq hokkeı lıgasynda 19 jeltoqsanǵa deıin úzilis jarııalandy.

Sol kúni «Barys» Reseıde «Salavat ıÝlaev» komandasymen oınaıdy.

Eske salsaq, budan buryn «Barys» «Avangardtan» utylǵan edi.