«Barys» Reseıde «Traktorǵa» ese jiberdi

<p>Qazaqstandyq &laquo;Barys&raquo; komandasy Qurlyqtyq hokkeı lıgasyndaǵy kezekti oıynyn Reseıde &laquo;Traktor&raquo; (Chelıabi) komandasyna qarsy ótkizdi, dep habarlaıdy <a href="Kazinform." target="_blank" rel="noopener">Kazinform.</a></p>

Eki komanda buǵan deıin 55 márte kezdesti. Onyń 31-i elordalyq klýbtyń basymdyǵymen aıaqtalsa, qalǵan oıyndarda reseılik komanda jeńiske jetken. 

Elordalyq komanda qatarynan tórt kezdesýde jeńiske jetip, týrnır kestesindegi jaǵdaıyn sál de bolsa jaqsartyp alǵan bolatyn. Búgingi kezdesýde de sol sáttilik serııasyn jalǵastyrýǵa baryn saldy.

Oıyn barysynda «Traktor» komanda alǵashqy mınýttan belsendi oıyn órnegin kórsetti. Nátıjesinde aıdyn ıeleri Nıkıta Tertyshnyı 5-shi mınýtta esep ashyp ketti.
Odan keıin «Barys» sapynan Nelson Noje 32-shi mınýtta tarazy basyn teńestirdi. Ary qaraı jıi shabýylǵa shyǵyp, qarsylas qaqpasyna qaýip tóndirgen reseılik klýbtyń oıynshylary birinen soń biri kózge túsip, mergendik tanytty. Aleksandr Sharov 33, Danıl ıÝrtaıkın 44, Vıtalıı Kravtsov 45, Ilıa Karlýhın 54-shi mınýtta gol avtory atandy. Osylaısha «Barys» qarsylasyna 1:5 esebimen ese jiberdi. 

Endi elordalyq klýb aldaǵy oıynyn 7 qańtarda Reseıde «Salavat ıÝlaev» (Ýfa) komandasyna qarsy ótkizedi.

Eske salsaq, buǵan deıin «Barys» qatarynan tórtinshi márte jeńiske jetken edi.