Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn Reseıde «Metallýrg» (Magnıtogorsk) komandasyna qarsy ótkizdi, dep habarlaıdy Kazinform.
Bıyl elordalyq klýb sátsiz oınaýǵa májbúr. Týrnır kestesinde «Barys» 25 oıynnan keıin 21 upaımen 20-orynda tur. Al «Metallýrg» 26 oıynnan keıin 32 upaımen 5-orynǵa ornalasqan.
Búgingi oıyn barysynda qazaqstandyq komanda alǵashqy bolyp esep ashty. Oıynnyń 11-mınýtynda Arkadıı Shestakov mergendik tanytty.
Al «Metallýrg» sapynan 25-mınýtta Makar Habarov tarazy basyn teńestirse, 43-mınýtta Egor Korobkın óz komandasyn alǵa shyǵardy.
Olardyń qatarynan Alekseı Maklıýkov 54-mınýtta kózdegen nysanadan múlt ketpese, qazaqstandyq komandadan Kırıll Savıtskıı qorytyndy esepti belgiledi.
Osylaısha «Barys» qarsylasyna 2:3 esebimen ese jiberdi.
Elordalyq klýb endi 2 qarashada Reseıdiń «Avtomobılıst» (Ekaterınbýrg) klýbymen sheberlik baıqasady.
Eske salsaq, budan buryn Reseıdiń «Torpedo» (Nıjnıı Novgorod) komandasyna ese jiberdi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.