«Barys» Reseıde «Amýr» komandasyna ese jiberdi

<p>ASTANA. KAZINFORM - Qazaqstandyq &laquo;Barys&raquo; komandasy búgin Qurlyqtyq hokkeı lıgasyndaǵy kezekti oıynyn Reseıde &laquo;Amýr&raquo; (Habarovsk) komandasyna qarsy ótkizdi.</p>

Kezdesýdi reseılik komanda belsendi bastady. Birinshi kezeńde elordalyq klýb qaqpasyna qatarynan úsh shaıba soǵyp úlgerdi. Olardyń qatarynan Stanıslav Bocharov nebári toǵyzynshy sekýndta «Barys» qaqpasynan sańylaý taýyp ketti.

Al Dmıtrıı Shevchenko 5, Kırıll Slepets 16-mınýtta «Amýrdyń» basymdyǵyn arttyra tústi.

Oǵan oıynnyń 48-mınýtynda «Barys» hokkeıshisi Evgenıı Rymarev bir golmen jaýap qaıyrdy.

Osylaısha elordalyq klýb qarsylasyna 1:4 esebimen jol berdi.

Týrnır kestesinde «Barys» 63 oıynnan keıin 48 upaımen 22-orynda tur.

Aıta keteıik, astanalyq klýb sońǵy 10 oıynnyń toǵyzynda qarsylastaryna ese jiberdi.

Bul kezdesýden keıin qazaqstandyq ujym taǵy bir oıynyn 18 aqpanda Reseıde «Amýr» komandasymen ótkizedi.

Eske salsaq, budan buryn «Barys» on bir oıynǵa sozylǵan sátsizdikten keıin jeńiske jetken bolatyn.