Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn Reseıde «Ak Bars» (Qazan) komandasyna qarsy ótkizdi, dep habarlaıdy Kazinform.
Kezdesý barysynda qazaqstandyq komanda alǵashqy mınýttan belsendi qımylymen kózge tústi.
«Ak Bars» qaqpasy mańynda jıi boı kórsetti.
Nátıjesinde nebári 1-mınýtta «Barys» hokkeıshisi Pontýs Oberg esep ashyp ketti.
Onyń komandalas áriptesteri Djozef Labeıt 6-mınýtta esepti ústemeleı tússe, Davıd Sklenıchka 14-mınýtta mergendik tanytty.
Birinshi kezeńniń sońyna taman reseılik klýb esep aıyrmasyn qysqartty. Bul goldy 16-mınýtta Dmıtrıı ıAshkın óziniń enshisine jazdy.
Odan keıin Dmıtrıı ıÝdın — 25, 42, Dmıtrıı ıAshkın — 40, Dmıtrıı Katelevskıı — 54-mınýtta tórt shaıba soǵyp ketti.
Osylaısha «Barys» qarsylasyna 3:5 esebimen ese jiberdi.
Endi «Barys» 7 qarashada elordada «Ak Bars» komandasyna qarsy taǵy bir oıyn ótkizedi.
Eske salsaq, «Barys» budan buryn býllıtte «Avtomobılıst» komandasynan basym túsken edi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.