ASTANA. KAZINFORM - Qazaqstandyq «Barys» komandasy búgin Qurlyqtyq hokkeı lıgasyndaǵy kezekti oıynyn Reseıde «Admıral» (Vladıvostok) komandasyna qarsy ótkizdi.
Kezdesý barysynda komandalar bir-biriniń qaqpasynan sańylaý tabýǵa tyrysty.
Birinshi kezeńde «Admıral» sapynan Dmıtrıı Býchelnıkov 14-mınýtta esep ashty.
Al 21-mınýtta elordalyq komandadan Danııl Apalkov 21-mınýtta tarazy basyn teńestirse, Djozef Labeıt 26-mınýtta «Barysty» alǵa shyǵardy.
Oıynnyń 38-mınýtynda reseılik klýbtan Djovannı Fore kózdegen nysanadan múlt ketpese, odan keıin Alekseı Solovev 46, Leonıd Metalnıkov 58-mınýtta basymdyqty arttyrdy.
Osylaısha «Barys» qarsylasyna 2:4 esebimen ese jiberdi. Bul – elordalyq klýbtyń qatarynan on birinshi jeńilisi.
Eki komanda buǵan deıin 33 márte kezdesken. Onyń 18-i elordalyq klýbtyń basymdyǵymen aıaqtalsa, qalǵan oıyndarda reseılik komanda jeńiske jetken.
Bul kezdesýden keıin qazaqstandyq ujym taǵy bir oıynyn 14 aqpanda Reseıde «Admıral» komandasymen ótkizedi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.