«Barys» pen «Torpedo» kezdesýi bir mınýt únsizdikpen bastaldy

<p>Qurlyqtyq hokkeı lıgasy aıasynda elordada ótip jatqan &laquo;Barys&raquo; komandasy men Reseıdiń &laquo;Torpedo&raquo; (Nıjnıı Novgorod) komandasynyń kezdesýi qaıtys bolǵan shahterlerdiń rýhyna taǵzym retinde bir mınýttyq únsizdikpen bastaldy, dep habarlaıdy Kazinform.</p>

Qazaqstandyq komanda qazir 24 oıynnan keıin 21 upaımen Shyǵys konferentsııasynda 11 orynda keledi.

Al «Torpedo» 23 oıynnan keıin 30 upaı jınap, Batys konferentsııasynda tórtinshi orynda tur.

Aıta ketsek, qazaqstandyq komanda sońǵy eki oıynda jeńilip, mınskilik «Dınamo» (1:2 OT) men ekaterınbýrgtik «Avtomobılıstke» (2:5) ese jiberdi.

Eske salsaq, 28 qarashada saǵat 2:33-te «ArselorMıttal Temırtaý» kompanııasyna qarasty Qaraǵandy oblysy Kostenko atyndaǵy shahtasynda jarylys boldy. Sol sátte shahtada bolǵan 252 adamnyń 205-i syrtqa shyǵaryldy.

Qazirge deıingi esep boıynsha oqıǵa saldarynan qaza tapqandar sany 43 adamǵa jetip otyr.

Kostenko atyndaǵy shahtasynda bolǵan jarylysqa baılanysty Bas prokýratýra qylmystyq is qozǵady.

Memleket basshysy Qasym-Jomart Toqaev 29 qazandy Jalpyulttyq aza tutý kúni dep jarııalaý týraly ókimge qol qoıdy.