«Barys» óz alańynda «Lokomotıv» komandasynan jeńilip qaldy

<p>Qazaqstandyq &laquo;Barys&raquo; komandasy Qurlyqtyq hokkeı lıgasyndaǵy kezekti oıynyn elordada reseılik &laquo;Lokomotıv&raquo; (ıAroslavl) komandasyna qarsy ótkizdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Reseılik klýb bıylǵy maýsymdy sátti ótkizip jatyr. Olar 7 oıynnan keıin 27 upaımen týrnırlik kesteniń eń tóbesine jaıǵasqan. Al «Barys» kerisinshe 17 oıynnan keıin 15 upaımen 19-orynda júr. Sondyqtan jankúıerler búgingi kezdesýde qazaqstandyq komanda jeńiske jetý úshin bar kúshin salyp, upaı alýǵa tyrysatynyna sendi. 

Oıynnyń alǵashqy kezeńinde komandalar shabýylǵa kóbirek kóńil bóldi. Nátıejesinde 3-mınýtta Danııl Být esep ashsa, Pavel Kraskovskıı (32, 41) qos shaıbamen esepti ústemeleı tússe, Maksım Shalýnov 46-mınýtta basymdyqty odan saıyn arttyrdy. Al ıeleri 4 shaıbadan keıin abdyrap, 56 mınýtta Danııl Býttyń, 59-mınýtta Danıl Tesanovtyń kózge túsýine múmkindik berip qoıdy. Osylaısha «Barys» qarsylasyna iri eseppen, ıaǵnı, 0:6 esebimen ese jiberdi.

Eske salsaq, budan buryn «Barys» qatarynan ekinshi márte jeńiske jetti. 

Endi «Barys» elordada 15 qazan kúni «Metallýrg» (Magnıtogorsk) klýbymen sheberlik baıqasady.