Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn elordada Reseıdiń «Metallýrg» (Magnıtogorsk) komandasyna qarsy ótkizdi, dep habarlaıdy Kazinform.
Reseılik klýb bıyl jaqsy oıyn órnegin kórsetip keledi. Sonyń arqasynda 2-orynǵa ornalasqan.
Al «Barys» tómengi oryndardyń birinde keledi.
Kezdesý barysynda komandalar alma-kezek shabýylǵa shyqty. Elordalyq klýb sapynan Raılı Barber 14, Roman Starchenko 22-mınýtta eki gol soǵyp ketti.
Kelesi kezekte reseılik komandadan Danıl ıÝrov 25, Nıkıta Grebenkın 35, Nıkıta Mıhaılıs 36-mınýtta mergendik tanytty.
Esep 2:3. Reseılik klýb alǵa shyqty.
Al 57-mınýtta «Barys» sapynan Rýdolf Cherveny tarazy basyn teńestirdi.
Oıynnyń negizgi kezeńi 3:3 esebimen teń aıaqtaldy. Overtaımda «Metallýrgtiń» joly boldy.
Osylaısha «Barys» qarsylasyna 3:4 esebimen jol berdi.
«Barys» budan keıingi oıynyn 18 qazanda Reseıde «Sochı» komandasyna qarsy ótkizedi.
Eske salsaq, budan buryn elordalyq klýb óz alańynda «Lokomotıv» komandasynan jeńilip qalǵan edi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.