«Barys» overtaımda «Metallýrg» komandasynan jeńildi

<p>Qazaqstandyq &laquo;Barys&raquo; komandasy Qurlyqtyq hokkeı lıgasyndaǵy kezekti oıynyn elordada Reseıdiń &laquo;Metallýrg&raquo; (Magnıtogorsk) komandasyna qarsy ótkizdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Reseılik klýb bıyl jaqsy oıyn órnegin kórsetip keledi. Sonyń arqasynda 2-orynǵa ornalasqan. 

Al «Barys» tómengi oryndardyń birinde keledi.

Kezdesý barysynda komandalar alma-kezek shabýylǵa shyqty. Elordalyq klýb sapynan Raılı Barber 14, Roman Starchenko 22-mınýtta eki gol soǵyp ketti.

Kelesi kezekte reseılik komandadan Danıl ıÝrov 25, Nıkıta Grebenkın 35, Nıkıta Mıhaılıs 36-mınýtta mergendik tanytty.

Esep 2:3. Reseılik klýb alǵa shyqty.

Al 57-mınýtta «Barys» sapynan Rýdolf Cherveny tarazy basyn teńestirdi.

Oıynnyń negizgi kezeńi 3:3 esebimen teń aıaqtaldy. Overtaımda «Metallýrgtiń» joly boldy.

Osylaısha «Barys» qarsylasyna 3:4 esebimen jol berdi.

«Barys» budan keıingi oıynyn 18 qazanda Reseıde «Sochı» komandasyna qarsy ótkizedi.

Eske salsaq, budan buryn elordalyq klýb óz alańynda «Lokomotıv» komandasynan jeńilip qalǵan edi.