«Barys» «Neftehımıkten» ese qaıtardy

<p>ASTANA. KAZINFORM &mdash; Qazaqstandyq &laquo;Barys&raquo; komandasy búgin, 13 qarashada Qurlyqtyq hokkeı lıgasyndaǵy kezekti oıynyn elordada Reseıdiń &laquo;Neftehımık&raquo; (Ekaterınbýrg) komandasyna qarsy ótkizdi.</p>

Eki kún buryn ótken eki komanda arasyndaǵy taǵy bir kezdesýde elordalyq klýb qarsylasyna 1:4 esebimen ese jibergen edi. Sol olqylyqtyń ornyn búgin toltyrýǵa tyrysty.

Birinshi kezeńde eki komanda jyldam gol soǵýǵa kúsh saldy. Degenmen, oıynshylar tarapynan dáldik jetispeı jatty. Kezdesýdiń 18-mınýtynda «Barys» hokkeıshisi Álıhan Ómirbekov mergendik tanytty.

Ekinshi kezeńde qos komanda da óz múmkindigin paıdalana alǵan joq. Nátıjesinde tablodaǵy esepte ózgeris bolmady.

Ekinshi kezeńniń 41-mınýtynda «Neftehımık» sapynan Jan-Sebasten Dı tarazy basyn teńestirdi.

Oıynnyń negizgi kezeńi 1:1 esebimen teń aıaqtalyp, overtaımǵa ulasty. Overtaımda Kırıll Panıýkov jeńis shaıbasyn soǵyp ketti.

Osylaısha elordalyq klýb atalǵan qarsylasynan ótken kezdesýdegi jeńilisiniń esesin qaıtardy.
Endi elordalyq klýb aldaǵy eki oıynyn syrt aıdynda ótkizedi. Aldymen 15 qarashada «Salavat ıÝlaev» (Ýfa) komandasymen kezdesse, 17 qarashada «Sochımen» sheberlik baıqasady.

Buǵan deıin habarlaǵanymyzdaı, áıelder kúresinen Qazaqstan kýbogynyń jeńimpazdary anyqtaldy.