«Barys» máskeýlik «Dınamony» jeńip, sátsizdik serııasyn toqtatty

<p>ASTANA. KAZINFORM &mdash; Qazaqstandyq &laquo;Barys&raquo; komandasy búgin Qurlyqtyq hokkeı lıgasyndaǵy kezekti oıynyn Reseıde &laquo;Dınamo&raquo; (Máskeý) komandasyna qarsy ótkizdi.Qazaqstandyq komanda sońǵy segiz oıynda birde-bir upaı enshilegen joq. Saldarynan týrnır kestesinde 22-oryndy mise tutyp tur. Sondyqtan árbir oıynda olardyń jeńiske jetýge bar kúshin salatyny anyq edi.</p>

Kezdesý barysynda komandalar jyldam gol soǵýǵa tyrysty. Degenmen birinshi kezeńde esep ashylǵan joq.

Ekinshi kezeńde áriptesteri Álıhan Ómirbekov pen Álıhan Ásetovtiń bergen pasyn Anton Býrdasov golǵa aınaldyryp, «Barysty» alǵa shyǵardy. Ol 59-mınýtta bos qalǵan qaqpaǵa gol soǵyp, qorytyndy esepti belgiledi.

Osylaısha «Barys» qarsylasynan 2:0 esebimen basym túsip, segiz oıynǵa sozylǵan sátsizdik serııasyn toqtatty.

Aıta ketsek, elordalyq klýb budan keıingi eki oıynyn qatarynan syrt aıdynda ótkizedi.
Aldymen 19 jeltoqsanda Qytaıdyń «Kýnlýn Red Star» (Beıjiń) komandasymen kezdesse, 21 jeltoqsanda Reseıdiń «Traktor» (Chelıabi) klýbtarymen sheberlik baıqasady.

Eske salsaq, «Barys» budan buryn aldaǵy úsh oıynyna qatysatyn hokkeıshiler tizimin jarııalady.