«Barys» komandasynyń bas bapkeri qyzmetinen ketti

<p>ASTANA. KAZINFORM — Reseılik Evgenıı Korolev «Barys» komandasy bas bapkeriniń mindetin atqarýshy qyzmetine taǵaıyndaldy. Al kanadalyq maman Devıd Nemırovskı qyzmetinen shettetildi.</p>

Qurlyqtyq hokkeı lıgasy jańa maýsymynyń basynda elordalyq klýb nashar nátıje kórsetti. Osyǵan baılanysty «Barystyń» bas bapkeri mindetin atqarýshy bolyp Evgenıı Korolev taǵaıyndaldy.

Ol dál qazir ótip jatqan astanalyq komandanyń máskeýlik «Dınamo» (Reseı) arasyndaǵy matchta óz qyzmetine kiristi.

Al bas bapker Devıd Nemırovskı qyzmetinen shettetildi. Kanadalyq mamanmen jasalǵan kelisim-shart bir jylǵa eseptelgen edi.

Eki jyldan beri elordalyq klýb Qurlyqtyq hokkeı lıgasynda pleı-off satysyna shyǵa alǵan joq.

Byltyr komandada Andreı Skabelka, Ǵalym Mámbetálıev, Oleg Bolıakın bas bapker qyzmetin atqardy.

Devıd Nemırovskı Qurlyqtyq hokkeı lıgasynda 2015 jyldan beri eńbek etip keledi.

Aldymen «Admıralda» sporttyq dırektor qyzmetin atqarǵannan keıin tórt jyl boıy «Torpedo» komandasyn jattyqtyryp, úsh márte Gagarın kýbogy pleı-off kezeńine shyqty. 

Ótken maýsymda maman Novosibirdiń «Sıbır» komandasynyń bas bapkeri boldy.